拿拿拿！咁多位新年快樂呀！
唔知LEE兩日大家收左幾多利是呢？
有無D仆街老板去左旅行避風頭呀？
又有幾多熟客新年唔浦頭呢？
開心日子，年初一，二做飲食開工就梗係道理黎嫁啦。
我地無假放，有D好好既客人第一次黎都俾利是，我真係感動流涕。其實你俾10蚊，20蚊都無所謂。
只係佢地夾多句：新年都要開工，辛苦唒呀！利利是是下。
祝你猴年搵多D呀！真係。千。年。難。求既好客。
咁當然啦，我地亦都不乏果D訓到3, 4點問點解無午餐，係哂門口屌鬼話無野食呀，又話4圍都無餐廳開，叫佢食乜春－果D無禮貌又唔識做人既師奶阿嬸啦。
新年流流，如果大家去開餐廳食飯又有能力既話。
想好待遇D？派下利是啦！你既服務將會立即升級！！
你既水唔會飲到低過一半，你既食物一定係熱辣辣，
所有食物飲品亦都會由不同既同事送俾你，而每位同事都係用燦爛熱情既笑容去對你講：乜生！你既食物呀！新年快樂！
全公司既同事都係記得你既大名，欣勤去招呼你。
LEE D就係利是既威力啦！
希望大家LEE個月袋多D利是！
過個豐收猴年，乞客少D，TIPS多D，工作愉快！
Search